Batumelebi | ტაქსის კომპანია „მაქსიმის“ მძღოლები ბათუმში საპროტესტო აქციას მართავენ ტაქსის კომპანია „მაქსიმის“ მძღოლები ბათუმში საპროტესტო აქციას მართავენ – Batumelebi
RU | GE  

ტაქსის კომპანია „მაქსიმის“ მძღოლები ბათუმში საპროტესტო აქციას მართავენ

ამ წუთებში [12:00], ბათუმში, ლერმონტოვის ქუჩაზე გაჩერებული არიან ტაქსი „მაქსიმის“ ლოგოიანი ავტომანქანები. შეკრებილი მძღოლები აცხადებენ, რომ მათ მუშაობა შეაჩერეს. მიზეზი – დღეს, 25 იანვარს, ადმინისტრაციამ საკომისიო მოსაკრებელი თითოეულ შეკვეთაზე 20 თეთრით გაუზარდა.

„თუ იყო 10-ლარიან შეკვეთა, აქამდე ოფისი გვაჭრიდა 1 ლარს. დღეიდან თუ შეკვეთა 10 ლარია, გვაჭრიან 1.2 ლარს“, – უთხრეს „ბათუმელებს“ აქციაზე შეკრებილმა მძღოლებმა.

მძღოლების ინფორმაციით, „მაქსიმის“ ლოგოთი ყოველდღიურად 700-800 მანქანა მუშაობს ბათუმში, კომპანიაში კი 3000-მდე მანქანაა რეგისტრირებული.

„არ არის ეს გაფიცვა. მძღოლებმა ჩაატარეს თავიანთი თათბირი. შეკითხვები აქვთ და ამ შეკითხვებს ვპასუხობთ ჩვეულებრივად. გაფიცვასთან კავშირი არ არის“, – განუცხადეს „ბათუმელებს“ მაქსიმის ბათუმის ოფისში.

კომპანიის ოფისში ასევე დაგვპირდნენ, რომ დღის განმავლობაში დამატებით ინფორმაციას მოგვაწვდის კომპანიის პრესსამსახური.

ტაქსი მაქსიმი

 

 

ნეტგაზეთის მასალების სხვა გამოცემებში გადაბეჭდვის წესი
ავტორი