დღეს, 14 იანვარს, აჭარის სანაპირო ზოლში და მაღალმთიანეთში, ძირითადად, უნალექო ამინდი შენარჩუნდება.
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 14 იანვრის 21 საათიდან 15 იანვრის 21 საათამდე, აჭარაში მოსალოდნელია ცვალებადი მოღრუბლულობა, უმეტესად უნალექოდ. იქროლებს ცვალებადი მიმართულების ქარი 10-15 მ/წმ.
ჰაერის ტემპერატურა სანაპირო რაიონებში იქნება: ღამით 1-6, დღისით 8-13 გრ.სითბო, მთიან რაიონებში ღამით 3-8 გრადუსი ყინვა, დღისით 0-5 გრადუსი სითბო.
შავ ზღვაზე იქროლებს სამხრეთ-დასავლეთის ქარი 7-12 მ/წმ, უმეტესად უნალექოდ. ხილვადობა – კარგი. ტალღის სიმაღლე: 7-12 დმ [2-3 ბალი]. ზღვის წყლის ტემპერატურა: 8.5 გრადუსი.
15 იანვრის შემდეგ, სინოპტიკოსების პროგნოზით, აჭარაში ამინდი შედარებით გაუარესდება. 16 და 17 იანვარს მოსალოდნელია დროგამოშვებით წვიმა, მთაში კი – თოვა.
