განათლება,მთავარი,სიახლეები

განათლების მინისტრი აცხადებს, რომ 3 000 სტუდენტისთვის ქალაქს ააშენებენ

22.11.2018 • 2232
განათლების მინისტრი აცხადებს, რომ 3 000 სტუდენტისთვის ქალაქს ააშენებენ

საქართველოს განათლების მინისტრმა, მიხეილ ბატიაშვილმა დღეს, 22 ნოემბერს, განაცხადა, რომ 3 000 სტუდენტისთვის სტუდენტური ქალაქი აშენდება თბილისში.

მიხეილ ბატიაშვილის განცხადებით, სტუდენტურ ქალაქს 2019 წელს თსუ-ს მაღლივი კორპუსის მიმდებარე ტერიტორიაზე ააშენებენ.

„პროექტში გათვალისწინებულია როგორც საერთო და ინდივიდუალური ოთახები, ასევე, ცენტრალური და საერთო სამზარეულოები, რეკრეაციული და სოციალური სივრცეები, ბიბლიოთეკები, სპორტული დარბაზები, აუზები და მულტი-პროფილური გარე მოედნები. კამპუსს ეყოლება 24-საათიანი დაცვის და დასუფთავების სამსახურები“, – აცხადებს მინისტრი.

მისივე ინფორმაციით, სტუდქალაქი 3000 სტუდენტზე იქნება გათვლილი „საერთო საცხოვრებლით და სტუდენტებისთვის საჭირო მრავალი სერვისით. ამ ქალაქით არა მხოლოდ თსუ-ს, სხვა უმაღლესი საგანმანათლებლო დაწესებულების სტუდენტებიც ისარგებლებენ“.

რამდენი ლარია ბიუჯეტში სტუდენტური ქალაქის მშენებლობისთვის, განათლების მინისტრს ამ საკითხზე არ უსაუბრია.

2019 წლის ბიუჯეტის პროექტის მიხედვით, განათლების სამინისტროს  დაფინანსება 37.7 მლნ ლარით იზრდება და 1 522,7 მლნ ლარს შეადგენს.

გადაბეჭდვის წესი


ასევე: