ხანდაზმულთა საერთაშორისო დღესთან დაკავშირებით, ქედის მერია ბოლო ოთხი წლის განმავლობაში ტრადიციულად თბილი სამოსითა და ტკბილეულით ასაჩუქრებს მუნიციპალიტეტში მცხოვრებ ხანდაზმულებს.
წელს დასაჩუქრდება 1927-1928 წლებში დაბადებული 43 ადგილობრივი.
პროგრამისთვის ქედის თვითმმართველობამ 3 350 ლარი გამოყო.
პროგრამის მიზანია ხანდაზმულების სოციალური სტიმულირება და მათზე ზრუნვა. იმავე მიზნით მიმდინარე წელს ქედის მერიამ 20 უხუცესი მოიალაღე დაასაჩუქრა.
გარდა აღნიშნული პროექტებისა, მუნიციპალიტეტში მოქმედებს „შინ მოვლის“ პროგრამაც.
