დაბა ხულოს ცენტრში ვეტერანთა კლუბი აშენდება. არსებული პროექტის მიხედვით კლუბის შენობის ასაშენებლად მუნიციპალიტეტმა ტენდერი უკვე გამოაცხადა. მშენებლობისთვის მაქსიმუმ 71 689 ლარია გათვალისწინებული.
ვეტერანთა კლუბი დაბის ცენტრში, მამულაძისა და ტბელ აბუსერიძის ქუჩებს შორის არსებულ სკვერში, იმ ადგილზე აშენდება, სადაც ხის ფანჩატური დგას. პროექტის მიხედვით, ეს ფანჩატური დაინგრევა.
ტენდერში წინადადებების მიღება 2018 წლის 13 ოქტომბერს დაიწყება და 18 ოქტომბერს დასრულდება.
კლუბის შენობა ტენდერში გამარჯვებულთან ხელშეკრულების გაფორმებიდან 90 დღეში უნდა დასრულდეს. თუმცა, სატენდერო პირობის მიხედვით, არასამუშაო თვეებია 2019 წლის იანვარი, თებერვალი და მარტი.
ვეტერანთა კლუბი ხულოში / ფოტო პროექტიდან
