“გამორთე რუსული პროპაგანდა” – პოსტერების კონკურსის გამარჯვებული გამოვლენილია

პოსტერების კონკურსი, რომელიც „თავისუფალ ჟურნალისტთა სახლმა“ პროექტ  „ანტიდასავლური დეზინფორმაციის წინააღმდეგ აჭარაში“ ფარგლებში გამოაცხადა, დასრულდა.

კონკურსში სულ 17 კონკურსანტი მონაწილეობდა. შემოსული ნამუშევრებიდან საუკეთესო პოსტერად ია ფრანგიშვილის ილუსტრაცია დასახელდა, სახელწოდებით “გამორთე რუსული პროპაგანდა”. ილუსტრაციის მიხედვით ბათუმში, მემედ აბაშიძის ქუჩაზე კედელი მოიხატა.

ორი ნამუშევარი კი პოსტერის სახით ბათუმის ქუჩებში რამდენიმე ადგილას გამოიკრა.

კონკურსის ყველა მონაწილე დაჯილდოვდა სპეციალური სერტიფიკატით და გადაეცათ მაღაზია “წიგნები ბათუმშის”  წიგნების ვაუჩერი. კონკურსის გამარჯვებული კი ტექნიკის ვაუჩერს მიიღებს.

პოსტერების კონკურსი პროექტ  „ანტიდასავლური დეზინფორმაციის წინააღმდეგ აჭარაში” ფარგლებში ჩატარდა. პროექტს „თავისუფალ ჟურნალისტთა სახლი“ აღმოსავლეთ-დასავლეთის მართვის ინსტიტუტი (EWM) ACCESS-ის მხარდაჭერით ახორციელებს. პროექტის ფინანსური მხარდამჭერია აშშ-ის საერთაშორისო განვითარების სააგენტო (USAID).