სამაშველო სამსახურმა წუხელ, 14 ივნისს, გაუჩინარებული მამაკაცის ცხედარი დღეს დილით მდინარე ჭოროხში იპოვა. როგორც სამაშველოში „ბათუმელებს“ უთხრეს, მათ გარდაცვლილის ნათესავმა მიმართა.
ამავე სამსახურის ინფორმაციით, გარდაცვლილი ქობულეთის მცხოვრებია. ცხედარი ბათუმის პროზექტურაშია გადატანილი.
შინაგან საქმეთა სამინისტროს ინფორმაციით, გამოძიება დაწყებულია 115-ე მუხლით, რაც თვითმკვლელობამდე მიყვანას გულისხმობს.
გავრცელებული ინფორმაციით, გარდაცვლილი თითქოს პოლიციელი უნდა ყოფილიყო, თუმცა შსს-ში ეს ინფორმაცია არ დაგვიდასტურეს.
მთავარი ფოტო: გარდაცვლილის ცხედარს ბათუმში, სამხარაულის ექსპერტიზის ბიუროში, ექსპერტიზას უტარებენ.
