მთავარი,სიახლეები,სპორტი

შმაგი ბოლქვაძე ევროპის ჩემპიონატის ვერცხლის პრიზიორი გახდა

03.05.2018 • 3011
შმაგი ბოლქვაძე ევროპის ჩემპიონატის ვერცხლის პრიზიორი გახდა

ხულოელი სპორტსმენი, შმაგი ბოლქვაძე, ბერძნულ-რომაულ ჭიდაობაში, 67 კგ. წონით კატეგორიაში, ევროპის ჩემპიონატის ვერცხლის პრიზიორი გახდა.

ჭიდაობის ეროვნული ფედერაციის ცნობით, 30 აპრილს რუსეთის ქალაქ კასპიისკში დაწყებულ კონტინენტის პირველობაზე საქართველოს ნაკრებმა 1 ოქრო, 1 ვერცხლი და 4 ბრინჯაო მოიპოვა.

ევროპის ჩემპიონი რობერტ კობლიაშვილი (87 კგ) გახდა, ვერცხლის მედალი შმაგი ბოლქვაძემ (67 კგ) მოიპოვა, ბრინჯაოს მედლები კი – ნუგზარ წურწუმიამ (55 კგ), დავით ჩხარტიშვილმა (60 კგ), იური ლომაძემ (72 კგ) და იაკობ ქაჯაიამ (130 კგ) მოიპოვეს.

ჭიდაობის ეროვნული ფედერაციის ცნობით, საერთო გუნდურ ჩათვლაში საქართველოს ნაკრებმა 127 ქულით მეორე ადგილი დაიკავა, პირველ ადგილზე რუსეთი გავიდა – 169 ქულით, მესამეზე კი აზერბაიჯანი – 113 ქულით.

გადაბეჭდვის წესი