სურსათის ეროვნული სააგენტოს ორგანიზებით დღეს საქართველოში ვეტერინარიის მსოფლიო დღე აღინიშნა.
ვეტერინარიის მსოფლიო დღე ვეტერინართა მსოფლიო ასოციაციის (WVA) და ცხოველთა ჯანდაცვის მსოფლიო ორგანიზაციის (OIE) ინიციატივით, 2000 წელს დაარსდა და ყოველწლიურად აპრილის ბოლო შაბათს აღინიშნება.
ცხოველთა ჯანმრთელობის დაცვის მიზნით, ვეტერინართა მსოფლიო ასოციაცია ყოველწლიურად ირჩევს გზავნილს. 2018 წლის გზავნილია – „ვეტერინარის როლი საარსებო პირობების გასაუმჯობესებლად, სურსათის უვნებლობისა და უსაფრთხოების უზრუნველსაყოფად“.
ორგანიზაციის რეკომენდაციაა, განსაკუთრებული ზრუნვა ცხოველთა ჯანმრთელობაზე, რადგან ეს პირდაპირ კავშირშია ადამიანის სიცოცხლესთან.
ვეტერინარიის მსოფლიო დღის აღსანიშნავად, ვეტერინართა მსოფლიო ასოციაცია (WVA) და ცხოველთა ჯანდაცვის მსოფლიო ორგანიზაცია (OIE) აწესებენ ჯილდოს, რომელიც გადაეცემა მსოფლიოს ყველაზე წარმატებულ ვეტერინარს, რომელსაც განსაკუთრებული წვლილი მიუძღვის დარგის განვითარებაში. გამარჯვებული 15 ივნისს გამოვლინდება.
