2018-2019 წლების ფულბრაიტის მასწავლებელთა დახელოვნების (TEA) პროგრამა დაიწყო. პროგრამაში შეირჩევიან ის პედაგოგები, ვისაც აქვთ მინიმუმ ხუთწლიანი პედაგოგიური მუშაობისა და ლიდერობის გამოცდილება, ასევე, მუშაობენ სრულ განაკვეთზე.
პროგრამაში მონაწილეობა შეუძლიათ ინგლისურის, მათემატიკის, ბუნების, სოციალური მეცნიერებებისა და სპეციალური განათლების მასწავლებლებს. აპლიკანტები უცხო ენას საშუალო დონეზე მაინც უნდა ფლობდნენ.
მასწავლებლები, რომლებიც ფულბრაიტის (TEA) პროგრამაში მონაწილეობას მიიღებენ, ამერიკაში ვიზიტისას, მიიღებენ გამოცდილებას მასპინძელი ქვეყნის წამყვან უნივერსიტეტებში.
დააკვირდებიან კლასებს და გაუზიარებენ თავიანთ გამოცდილებას ამერიკელ კოლეგებს აშშ-ს საშუალო სკოლებში. მონაწილეობას მიიღებენ ონლაინპროფესიულ სწავლებაში და გაიზიარებენ კოლეგების გამოცდილებას.
პროგრამის განმავლობაში პედაგოგები მონაწილეობას მიიღებენ ყოველკვირეულ სემინარებში მასპინძელი ქვეყნის უნივერსიტეტებში პრეზენტაციებსა და დისკუსიებზე, რომლებსაც ხელმძღვანელობენ უნივერსიტეტის თანამშრომლები, ფაკულტეტის წევრები და მოწვეული საგანმანათლებლო ექსპერტები.
აკადემიურ სემინარებზე ყურადღება გამახვილდება სწავლების ახალ მეთოდოლოგიებზე, სასწავლო გეგმების შემუშავებზე, გაკვეთილის დაგეგმვასა და ტექნოლოგიურ სწავლებაზე.
მასწავლებლები მონაწილეობას მიიღებენ საგანმანათლებლო და კულტურულ ღონისძიებებშიც. პროგრამის მონაწილეები საქართველოში დაბრუნების შემდეგ მიღებულ გამოცდილებას ქართველ კოლეგებს გაუზიარებენ.
პროგრამა ექვსკვირიანია. პროგრამაში მონაწილეობისთვის რეგისტრაცია 25 მარტს დასრულდება.
პროგრამის შესახებ დეტალური ინფორმაციის მისაღებად გადადით ამ გვერდზე.
