მთავარი,სიახლეები

ქვეყნებში, სადაც მეტ დროს ანდომებენ ჭამას, ჭარბი წონა ნაკლებად  აწუხებთ – კვლევის შედეგები 

14.03.2018 • 2509
ქვეყნებში, სადაც მეტ დროს ანდომებენ ჭამას, ჭარბი წონა ნაკლებად  აწუხებთ – კვლევის შედეგები 

30 სხვადასხვა ქვეყანაში ჩატარებული კვლევის მიხედვით, ფრანგები ყველაზე მეტ დროს, საშუალოდ 2 საათსა და 13 წუთს, ატარებენ სუფრასთან დღის განმავლობაში.

კვლევა  5 მარტს გამოაქვეყნა ეკონომიკური თანამშრომლობისა და განვითარების საერთაშორისო ორგანიზაცია OECD-მა. კვლევისას 15 და 64 წლამდე ქალებისა და მამაკაცების ცხოვრების წესს დააკვირდნენ, სამუშაო დროის გამოკლებით.

ფრანგების შემდეგ სიაში იტალიელები არიან, ისინი სუფრასთან დღეში საშუალოდ 2 საათსა და 11 წუთს ატარებენ. სიის მესამე რიგში მყოფი ბერძნები – 2 საათსა და 4 წუთს, ესპანელები – 2 საათსა და 2 წუთს, დანიელები კი 2 საათს ატარებენ სუფრასთან.

ყველაზე ნაკლებ დროს სუფრასთან კი ნიდერლანდებში, შვედეთში, სამხრეთ აფრიკაში, კანადასა და აშშ-ში ატარებენ.

აღმოჩნდა, რომ სუფრასთან დიდი დროის გატარება სულაც არ ნიშნავს, რომ ამ ქვეყნებში მოსახლეობის უმეტესობას ჭარბი წონა აწუხებს, პირიქით: სტატისტიკა აჩვენებს, რომ ქვეყნებში, სადაც მეტ დროს ანდომებენ სადილ-ვახშამს, ნაკლებად აქვთ წონის პრობლემები და პირიქით: ქვეყნებში, სადაც სუფრასთან ცოტა დროს ატარებენ, მოსახლეობის უმეტესობას აწუხებს ზედმეტი კილოგრამები. ამ ქვეყნებში: აშშ-ში, კანადაში შვედეთსა და ნიდერლანდებში, მაგალითად, საფრანგეთსა და იტალიასთან შედარებით, ბევრად მეტი სწრაფი კვების ობიექტია.

კვლევის ორგანიზატორებს მიაჩნიათ, რომ სუფრასთან გატარებული დროის სხვადასხვაობა ქვეყნების კულტურული მრავალფეროვნების ნაწილია.

წყარო: Le Figaro

გადაბეჭდვის წესი


ასევე: