Batumelebi | ბათუმის რეკლამის საერთაშორისო ფესტივალი გაიხსნა ბათუმის რეკლამის საერთაშორისო ფესტივალი გაიხსნა – Batumelebi
RU | GE  

ბათუმის რეკლამის საერთაშორისო ფესტივალი გაიხსნა

 

 დღეს, 24 სექტემბერს, ბათუმში რეკლამის საერთაშორისო ფესტივალი Ad Black Sea გაიხსნა, სადაც ფესტივალის მონაწილეებისთვის ცოდნისა და გამოცდილების გასაზიარებლად რეკლამის სპეციალისტები მსოფლიოს სხვადასხვა ქვეყნიდან ჩამოვიდნენ. 

 ფესტივალი თანამედროვე ხელოვნების სივრცე 41/41-ში გაიხსნა. 

 

 ფესტივალი საქართველოს საკომუნიკაციო სააგენტოების ასოციაციისა და  უკრაინის სარეკლამო კოალიციის მხარდაჭერით ტარდება.

ფესტივალზე წარმოდგენილ ნამუშევრებს საერთაშორისო ჟიური შეაფასებს.  ჟიური გამოავლენს ფინალისტებს და მედლის მფლობელებს (ოქრო, ვერცხლი, ბრინჯაო).  

 

წელს ფესტივალზე  დაჯილდოვდება:

 

  • საუკეთესო ვიდეოკონტენტი და სხვა ბრენდირებული კონტენტი;
  • საუკეთესო დიზაინი, პრინტი და პოსტერი;
  • საუკეთესო იდეა.

 

გარდა ამისა, გამოვლინდება: კონკურსის საუკეთესო ნამუშევარი და  ფესტივალის გრანპრი.

 

ფესტივალის ფარგლებში ასევე დაჯილდოვდება:

  • ფესტივალის საუკეთესო სააგენტო;
  • ფესტივალის საუკეთესო დამოუკიდებელი სააგენტო;
  • ფესტივალის საუკეთესო ქსელური სააგენტო

 

სპეციალურად ქართული სააგენტოებისათვის დაწესდება ჯილდო – ფესტივალის საუკეთესო ქართული სააგენტო.  

გარდა ამისა, არტდირექტორთა ევროპული კლუბის (ADC*E)  გადაწყვეტილებით, ყველა ქართული ნამუშევარი, რომლებიც Ad Black Sea -ის ფარგლებში ჯილდოს მიიღებენ, შეძლებს მონაწილეობა მიიღოს ევროპულ კონკურსში, ჩემპიონთა ლიგა ADC*E Awards -ში, ბარსელონაში.

  

გამარჯვებულები საუკეთესო ნამუშევრები და  სააგენტოები Ad Black Sea – ის დაჯილდოების ცერემონიის ფარგლებში, 27 სექტემბერს დასახელდება. 

ნეტგაზეთის მასალების სხვა გამოცემებში გადაბეჭდვის წესი
ბათუმელები