Batumelebi | სასჯელი პოლიციელების დაუმორჩილებლობის გამო სასჯელი პოლიციელების დაუმორჩილებლობის გამო – Batumelebi
RU | GE  

სასჯელი პოლიციელების დაუმორჩილებლობის გამო

  

პოლიციაზე დაუმორჩილებლობის, მათი კანონიერი მოთხოვნის შეუსრულებლობის გამო ახალგაზრდა მამაკაცი დააკავეს. მოსამართლე თამარ ბურჯანაძემ ადმინისტრაციულ სამართალდარღვევაში ბრალდებულს განუმარტა, რომ ეს ბრალდება 250-ლარიდან 2 ათას ლარამდე ჯარიმას ან 15-დღიან პატიმრობას ითვალისწინებდა.

 

 

პოლიციელების ინფორმაციით, ბრალდებულმა 15 სექტემბერს ბათუმში, ფრიდონ ხალვაშის ქუჩაზე სიტყვიერად შეურაცხყო პოლიციელები. 
“ნასვამი ვიყავი” – თქვა დაკავებულმა მამაკაცმა. 
პოლიციელმა მოსამართლეს უთხრა, რომ ნასვამ მდგომარეობაში მყოფი მამაკაცი იყო პოლიციელებზე გაბრაზებული. პოლიციელის ინფორმაციით, მათ შემოწმების მიზნით ავტომანქანა ჰყავდათ შეჩერებული, რა დროსაც მათთან მივარდა სამართალდარღვევაში ბრალდებული და მიაყენა მათ შეურაცხყოფა, რის გამოც ის დააკავეს. 

ბრალდებულს ჰყავს ცოლი და ორი შვილი. მან მოსამართლეს უთხრა, რომ ნანობს თავის საქციელს. სწორედ ამის გამო მოსამართლემ მის მიმართ კანონით გათვალისწინებული სასჯელის ყველაზე მსუბუქი ფორმა 250 _ ლარის გადახდა დააკისრა და ის სასამართლო დარბაზიდან გაათავისუფლა.

ნეტგაზეთის მასალების სხვა გამოცემებში გადაბეჭდვის წესი
ნათია როყვა