მოქალაქეთა საინიციატივო ჯგუფმა ქედის მერიას მახუნცეთში, აკვედუკის მიმდებარე ტერიტორიაზე, მონუმენტის განთავსების მოთხოვნით წერილობით მიმართა და ესკიზიც წარუდგინა.
მონუმენტი, სახელწოდებით „საქართველოს სადარაჯოზე“, რომლის განთავსებასაც საინიციატივო ჯგუფი ითხოვს, დავით სვანიძის მიერ დამუშავებული ესკიზით დამზადდება.
ქედის მერი, ლევან გორგილაძე ამბობს, რომ მოწონების შემთხვევაში მონუმენტი იმ ადგილზე განთავსდება, სადაც მახუნცეთის განაშენიანების გეგმით კემპინგი უნდა მოეწყოს.
„ესკიზი მუნიციპალიტეტის ფეისბუქგვერდზე განვათავსეთ, ნებისმიერ მოქალაქეს შეუძლია ნახოს და გამოთქვას თავისი მოსაზრება, თუმცა ამ ეტაპზე მონუმენტის განთავსებასთან დაკავშირებით მოსახლეობის განწყობა დადებითია.
მონუმენტის განთავსებასთან დაკავშირებით საბოლოო გადაწყვეტილებას უახლოეს პერიოდში მივიღებთ. მე იდეაც მომწონს, ამასთანავე ფინანსურადაც უზრუნველყოფილია და მახუნცეთში მოსულ ვიზიტორს მეტის ნახვის შესაძლებლობას მისცემს,“ – ამბობს ლევან გორგილაძე.
ლევან გორგილაძის ინფორმაციით, მონუმენტი, რომლის დამზადებასა და განთავსებას საინიციატივო ჯგუფი საკუთარი ფინანსური რესურსით ითხოვს, დაახლოებით 3 მეტრი და 20 სანტიმეტრი იქნება.
მონუმენტის ესკიზი
