Batumelebi | გაერთიანებული სამეფოს სამხედრო ორკესტრი ბათუმში დაუკრავს გაერთიანებული სამეფოს სამხედრო ორკესტრი ბათუმში დაუკრავს – Batumelebi
RU | GE  

გაერთიანებული სამეფოს სამხედრო ორკესტრი ბათუმში დაუკრავს

 

10 სექტემბერს 18:00 საათზე ბათუმის პიაცაზე,  დიდი ბრიტანეთისა და ჩრდილოეთ ირლანდიის გაერთიანებული სამეფოს არმიის სამხედრო-საჩვენებელი  ორკესტრი –  „The Salamanca Band & Bugles of The Rifles“ დაუკრავს. 

 

The Salamanca Band and Bugles of The Rifles

 

კონცერტის ორგანიზატორი ბრიტანეთის საელჩო და მუნიციპალიტეტებია. „ერთობლივი კონცერტი ქართველ და ბრიტანელ ხალხთა შორის კულტურათა დიალოგის პროცესის გაძლიერებას ემსახურება და ორ ქვეყანას შორის სამხედრო-სამოქალაქო თანამშრომლობის გაღრმავებას შეუწყობს ხელს.  

 

ბრიტანეთის სამეფო არმიის ბენდის საქართველოში სტუმრობა კიდევ ერთი დასტურია იმისა, რომ გაერთიანებული სამეფოს შეიარაღებული ძალები აქტიურად უჭერენ მხარს საქართველოს შეიარაღებულ ძალებს თავდაცვის შესაძლებლობების განვითარებისა და ნატოსთან თავსებადობის გზაზე“- ნათქვამია განცხადებაში.

 

„ გაერთიანებული სამეფოს არმიის ბენდია. ბენდს სახელი 1812 წლის 22 ივლისს იბერიის ნახევარკუნძულზე მომხდარი სალამანკას ბრძოლის პატივსაცემად დაერქვა. მდიდარი ტრადიციების მქონე ბენდი ჯერ კიდევ ნაპოლეონის ომების დროს იყო პოპულარული.

 

ბრძოლის ველზე ბრძანებების გასაცემად მსროლელები ვეებერთელა დაფდაფების მაგივრად საყვირებს იყენებდნენ. ბენდი უნიკალური სტილის მუსიკას ასრულებს და მსვლელობის დროს წუთში 140 ნაბიჯს დგამს. კონცერტების გარდა, ორკესტრი სამხედრო აღლუმებს, ფესტივალებსა და ოფიციალურ ვახშმებს მუსიკალურად აფორმებს.

 

ბენდმა უკვე გამართა კონცერტები საქართველოს სხვადასხვა ქალაქში. საქართველოში ვიზიტის დასრულების შემდეგ ორკესტრი სომხეთში გაემგზავრება.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები”