Batumelebi | 4-ბალიანი შტორმი, დატბორილი ქუჩები და საგანგებო შტაბი მერიაში 4-ბალიანი შტორმი, დატბორილი ქუჩები და საგანგებო შტაბი მერიაში – Batumelebi
RU | GE  

4-ბალიანი შტორმი, დატბორილი ქუჩები და საგანგებო შტაბი მერიაში

 

ბათუმში ამ დროისთვის მცირე ნალექი მოდის. [00:49] ბათუმის მერიის პრესსამსახური საგანგებო განცხადებას ავრცელებს, “ბათუმელები” ტექსტს გთავაზობთ უცვლელად: 


“დღეს შეგვექმნა რთული მდგომარეობა, დღის ბოლოს ნალექის რაოდენობა უხვი მოცულობით მოვიდა, ხახული-მეჯინის წყალი ამ ეტაპზე უკვე 80 პროცენტითაა გაწმენდილი. მიუხედავად 4 ბალიანი შტორმისა, ხახულის, მეჯინის, ჟილინის და ეგრეთწოდებული არდაგანის არხები ყველა მოქმედია და გახსნილი, არხების გადინებით პრობლემა არ დგას, მაგრამ არხები ვერ ღებულობს უხვი რაოდენობით ნალექს.



ძირითადი პრობლემა არის ჭავჭავაძე და გრიბოედოვის ქუჩების კვეთიდან ჭაობის დასახლების მიმართულებით, ეს არის მაიაკოვსკის ქუჩის ბოლო მანთაშევის გადასავლელამდე. სისტემატურად ვღებულობთ ადმინისტრაციული ერთულებიდან უბნებში არსებული მდგომარეობის შესახებ ინფორმაციას.


შინაგან საქმეთა სამინისტროს, სამაშველოს და საგანგებო სამსახურები საპატრულო პოლიციასთან ერთად ვმუშაობთ, სამწუხაროდ ელექტროენერგიის გათიშვაც ფიქსირდება ქალაქში. სასწრაფო სამედიცინო დახმარების სამსახური და მუნიციპალური ტრანსპორტი მუშაობს შეუფერხებლად. დავიწყებთ ყველგან ამოტუმბვით სამუშაოებს.ჩვენს ხელთარსებული ტექნიკა რაც გაგვაჩნია, ამ ეტაპზე საკმარისია, საჭიროიების შემთხვევაში დამატებითი ეკიპაჟიც ჩამოვლენ. ძირითადი პრობლება ჭაობის დასახლებაშია, სადაც ახლა კეთდება სანიაღვრე სარეაბილიტაციო სამუშაოები.”

ნეტგაზეთის მასალების სხვა გამოცემებში გადაბეჭდვის წესი
"ბათუმელები"