Batumelebi | შავ ზღვაში ბარცხანის მონაკვეთზე ნავთობი ჩაიღვარა შავ ზღვაში ბარცხანის მონაკვეთზე ნავთობი ჩაიღვარა – Batumelebi
RU | GE  

შავ ზღვაში ბარცხანის მონაკვეთზე ნავთობი ჩაიღვარა

 

დღეს დილით, ბარცხანის მონაკვეთზე, ზღვაში ნავთობი ჩაიღვარა.  ძლიერი წვიმის შედეგად მიწის გრუნტში დაგროვილი ნავთობი მდინარე ბარცხანაში ჩავიდა, საიდანაც იგი ზღვას მიუერთდა. ამ წუთებში მდინარე იწმინდება.

 

ბათუმის ნავთობტერმინალის ეკოლოგიის სამსახურის უფროსი თენგიზ გორდელაძე აჭარის ტელევიზიასთან ინტერვიუში ამბობს, რომ ინტენსიური წვიმის შედეგად, ერთდროულად აიწია გრუნტისა და მდინარის წყლების დონემ, შედეგადაც წარმოიშვა გრუნტის წყლების წნევა, რაც დააწვა დაბინძურებულ გრუნტის წყლებს და გამოდენა მდინარე ბარცხანისკენ, – “იმდენად ძლიერი იყო ის წნევა, რომ მდინარის პირას აშენებული კედელი დაანგრია და იქ დატოვებული, დაბუდებული, გარკვეული რაოდენობის ნავთობი გამოიტანა”.

 

ნავთობტერმინალის სამსახურთან ერთად, ადგილზე მობილიზებულია სანდასუფთავების სამსახურის ბრიგადა, რომელიც ასუფთავებს სანაპიროს ჩამონატანებისგან. 

ამ მონაკვეთზე ზღვაში ნავთობი ყოველწლიურად იღვრება.

 

ფოტო არქივიდან

ნეტგაზეთის მასალების სხვა გამოცემებში გადაბეჭდვის წესი
"ბათუმელები"