Batumelebi | თურქული საწარმო GEOFIBRE-ს თანამშრომლებმა არასათანადო სამუშაო პირობები გააპროტესტეს თურქული საწარმო GEOFIBRE-ს თანამშრომლებმა არასათანადო სამუშაო პირობები გააპროტესტეს – Batumelebi
RU | GE  

თურქული საწარმო GEOFIBRE-ს თანამშრომლებმა არასათანადო სამუშაო პირობები გააპროტესტეს

 

თამარის დასახლებაში, ტბეთის ქუჩის 6 ნომერში მდებარე ძაფის თურქული საწარმო GEOFIBRE-ს თანამშრომლებმა საწარმოში არსებული არასათანადო სამუშაო პირობები გააპროტესტეს. კერძოდ კი, საწარმოსთან შეკრებილი 50-მდე თანამშრომელი არაადამიანურ მოპყრობას, არასათანადო სამუშაო პირობებსა და დაბალ ანაზღაურებას აპროტესტებს.

 

 

 

საწარმოს თანამშრომლები აპროტესტებენ არასათანადო სამუშაო გარემოსა და პირობებს. თამაზ ბაკურიძის თქმით, სამუშაოოთახებში სადაც გაფიცულები მუშაობენ, ტემპერატურა 40 გრადუსზე მაღალია, არ ხდება კონდენცირება, საწარმოს არ გააჩნია მედ პუნქტი.

 

 

საწარმოს თანამშრომლებს შეხვდა აჭარის პროფკავშირების გაერთიანების წარმომადგენელი. ადგილზე მისულია სახალხო დამცველის რწმუნებული აჭარაში  გიორგი ჩარკვიანი. თამაზ ბაკურიძის თქმით, ისინი გამოსავალს ეძებენ, რადგან ასეთ პირობებში მუშაობის გაგრძელება შეუძლებელია.

 

სოფო კიკნაძე, GEOFIBRE-ს ერთ-ერთი თანამშრომელია, იგი ამბობს რომ წელიწადზე მეტია რაც აქ მუშაობს და სამუშაო პირობები გამუნჯობესების ნაცვლად დღითი-დღე უარესდება – “ძალიან ცუდ პირობებში გვიწევს მუშაობა, ვითხოვთ პირობების გაუმჯობესებას იმისთვის, რომ შევიდეთ და ვიმუშაოთ. 45 გრადუს ტემპერატურაზე ვმუშაობთ, ბევრი ცუდად ხდება, არც ექთანი გვყავს, არც ხელფასია ადეკვატური, არის მხოლოდ დაპირებები და ერთი წლის გამავლობაში არც ერთი მათგანი არ შესრულდა. ქარხანაში ასეთი პირობები იყო თავიდანვე და გაუმჯობესების ნაცვლად პირობები სულ უფრო უარესდება. მე პირადად წელიწადზე მეტია აქ ვმუშაობ და ამ ხნის მანძილზე არაფერი შეცვლილა” – ამბობს ის.

 

 

საწარმოს თანამშრომლები მიმართავენ ადმინისტრაციას, რომ გააუმჯობესოს სამუშაო გარემო და პირობები – “მივმართავთ ყველა დაწესებულებას ვისაც შეუძლია ჩვენი დახმარება, აღარ შეგვიძლია იქ გაჩერება. დამსაქმებელთან შეხვედრა გვქონდა ერთხელ, დაგვპირდა პირობების გამოსწორებას, მაგრამ არაფერი გაკეთებულა. ამ წუთს სამსახურშია, მოვითხოვთ მასთან შეხვედრას, მაგრამ არ გამოდის და არ გვხვდება” – ამბობს სოფო კიკნაძე.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"