Batumelebi | 99 მოჭადრაკე ევროპის ჩემპიონის ტიტულისთვის იბრძოლებს 99 მოჭადრაკე ევროპის ჩემპიონის ტიტულისთვის იბრძოლებს – Batumelebi
RU | GE  

99 მოჭადრაკე ევროპის ჩემპიონის ტიტულისთვის იბრძოლებს

 

19 მაისს სასტუმრო „ოაზისში“ დაიწყო ევროპის ინდივიდუალური ჩემპიონატი ქალთა შორის ჭადრაკში. ჩემპიონატში 99 მოჭადრაკე მონაწილეობს, მათ შორის 87 საერთაშორისო დიდოსტატის წოდების მქონეა.

 

მონაწილეთა შორის არიან მსოფლიოს მოქმედი ჩემპიონები გუნდურ პირველობაში: სალომე მელია, ბელა ხოტენაშვილი, ლელა ჯავახიშვილი, მერი არაბიძე და ნინო ბაციაშვილი. ასევე იასპარაზებს მსოფლიოს ორი ექსჩემპიონი პირად პირველობაში – ბულგარელი ანტუანეტა სტეფანოვა და უკრაინელი ანა უშენინა.

 

კონტინენტის რიგით მე-16 ჩემპიონატი შვეიცარული სისტემით 11 ტურად ჩატარდება და 31 მაისს დასრულდება.

 

ჩემპიონატის ოფიციალური გახსნის ცერემონიალს აჭარის მთავრობის თავმჯდომარე არჩილ ხაბაძე, აჭარის განათლების, კულტურისა და სპორტის მინისტრი გიორგი თავამაიშვილი,  ბათუმის მერი გიორგი ერმაკოვი, საჭადრაკო სფეროს წარმომადგენლები, ევროპის ფედერაციის პრეზიდენტი ზურაბ აზმაიფარაშვილი, საქართველოს ფედერაციის პრეზიდენტი გია გიორგაძე, გენერალური მდივანი აკაკი იაშვილი და საქართველოს სპორტის მინისტრი ტარიელ ხეჩიკაშვილი დაესწრნენ.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"