სასტუმრო „ჰილტონის“ გახსნის ცერემონიალზე პრემიერ-მინისტრის მონაწილეობის გასაპროტესტებლად შეკრებილი ენმ-ის ბათუმელი წარმომადგენლები კვლავაც ელოდებიან სასტუმროს წინ ირაკლი ღარიბაშვილის გამოსვლას.
აქციის მონაწილეებს კვლავაც აკავებს პოლიცია, ისინი ბევრად მეტნი არიან, ვიდრე აქციის მონაწილეები. თუმცა, დროს არც ენმ-ის წევრები კარგავენ უქმად, მათ შეკრებილ პოლიციელებს ჯერ პოლიციის ჰიმნი მოასმენინეს, ახლა კი რუპორში ისმის სიმღერა „მიშა მაგარია“.
