Batumelebi | ენმ-ი ბათუმში პრემიერის მიერ სასტუმრო „ჰილტონის“ გახსნას აპროტესტებს ენმ-ი ბათუმში პრემიერის მიერ სასტუმრო „ჰილტონის“ გახსნას აპროტესტებს – Batumelebi
RU | GE  

ენმ-ი ბათუმში პრემიერის მიერ სასტუმრო „ჰილტონის“ გახსნას აპროტესტებს

 

ნაციონალური მოძრაობის ახალგაზრდა ფრთა პრემიერ-მინისტრის მიერ ბათუმში, სასტუმრო „ჰილტონის“ გახსნის ცერემონიალში მოანაწილეობას აპროტესტებს. ენმ-დან ბათუმის საკრებულოს წევრის, ნოდარ დუმბაძის თქმით, „ჰაკიმ-ფაშას არ აქვს მორალური უფლება გახსნას ეს სასტუმრო, რადგან მას არც ერთი ინვესტორი არ შემოუყვანია და ქვეყანა გააჩერა“.

 

ენმ-ის აქცია სასტუმრო „ჰილტონთან“
ენმ-ის აქცია სასტუმრო „ჰილტონთან“

ნოდარ დუმბაძის ინფორმაციით, ენმ-ის ახალგაზრდულ ორგანიზაციას პოლიცია არ აძლევს შესაძლებლობას 150 მეტრის რადიუსში მიუახლოვდნენ სასტუმრო „ჰილტონს“, სადაც ცერემონიალია დაგეგმილი. ნოდარ დუმბაძის ინფორმაციით, მისი რამდენიმე თანაპარტიელი პოლიციამ დააკავა და მთავარი სამმართველოს შენობაში ჰყავთ გადაყვანილი. შს სამინისტროს ინფორმაციით, აქციის მონაწილეები 173-ე მუხლის საფუძველზე (პალიციის კანონიერი მოთხოვნილებისადმი დაუმორჩილებლობა) არიან დაკავებულები.

 

„ბათუმელების“ კორესპონდენტის ცნობით, აქციის მონაწილეები სასტუმრო „ჰილტონის“ წინ, მოპირდაპირე მხარეს დგანან ტრანსფარანტებით. 

 

 

სასტუმროში იფუნქციონირებს 2 საკონფერენციო დარბაზი, 2 – რესტორანი, 2 – აუზი. სასტუმროში იმუშავებს კაზინო „ავსტრია“.

 

 

დღეს, სასტუმრო „ჰილტონის“ გახსნის ცერემონიალს ესწრება ქვეყნის პრემიერ-მინისტრი ირაკლი ღარიბაშვილი. ის ჯერჯერობით სასტუმროში არ მისულა. „ჰილტონის“ მშენებლობა წინა ხელისუფლების პირობებში დაიწყო. 

ნეტგაზეთის მასალების სხვა გამოცემებში გადაბეჭდვის წესი
ბათუმელები