დისკუსია „ლეოგრანდის“ ტრაგედიისა და უსაფრთხო პოლიტიკის შესახებ


9 დეკემბერს ბათუმის „დემოკრატიის სკოლაში“ დისკუსია გაიმართება. დისკუსიის თემაა „ლეოგრანდის“ ტრაგედია – უსაფრთხოების პოლიტიკის ხარვეზები“.

„დისკუსიაზე ვიმსჯელებთ რამ გამოიწვია ტრაგედია, როგორ შეიძლებოდა მისი პრევენცია? რამდენადაა დაცული ბათუმში სამშენებლო უსაფრთხოების ნორმები, უნდა შეიცვალოს თუ არა დღეს არსებული უსაფრთხოების პოლიტიკა? რას გაითვალისწინებენ სახელმწიფო სტრუქტურები მომავალში, თუ გადაიდგმება ქმედითი ნაბიჯები? რა როლი აქვს ასეთ დროს საზოგადოებას?“-ნათქვამია „დემოკრატიი სკოლის“ ბათუმის ოფისის განცხადებაში.

დისკუსიის დროს მომხსენებლები იქნებიან გია რამიშვილი, არქიტექტორი, ირაკლი ახალაძე, ბათუმის მერიის არქიტექტურისა და ურბანული დაგეგმარების სამსახურის უფროსი, შოთა გუჯაბიძე, საზოგადოება „ბათომის“ დამფუძნებელი. 

შეხვედრა გაიმართება 14:00 საათზე ახმედ მელაშვილის 20, ბათუმის დემოკრატიის სკოლაში. დასწრება თავისუფალია.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com