Batumelebi | აჭარის ფინანსთა სამინისტრომ აუქციონი გამოაცხადა აჭარის ფინანსთა სამინისტრომ აუქციონი გამოაცხადა – Batumelebi
RU | GE  

აჭარის ფინანსთა სამინისტრომ აუქციონი გამოაცხადა

 

აჭარის ფინანსთა და ეკონომიკის სამინისტრო ბათუმში კახაბრის დასახლებაში 25 000 კვ/მ არასასოფლო სამეურნეო მიწის ნაკვეთს პირობიანი აუქციონით  ყიდის. ქონების  საწყისი ფასი 1 500 000 დოლარია.

 

მყიდველმა საპრივატიზებო საფასური ხელშეკრულების გაფორმებიდან  ერთი წლის განმავლობაში, კვარტალურად უნდა გადახდოს.  ხელშეკრულების გაფორმებიდან  რვა თვის განმავლობაში კი მრავალფუნქციური შენობა-ნაგებობის, არანაკლებ ორას ნომრიანი სასტუმროს  მშენებლობის ნებართვის მიღება და მშენებლობის დაწყება უნდა შეძლოს.

 

აუქციონის პირობები ითვალისწინებს ასევე საკონფერენციო დარბაზის, აპარტამენტებისა და სამორინეს მშენებლობას.  ამ პროექტში შემსყიდველმა არანაკლებ 19 000 000 (ცხრამეტი მილიონი) აშშ. დოლარის ექვივალენტი ლარის ინვესტიცია უნდა განახორციელეოს.

 

 

აუქციონით გათვალისწინებული პირობით შემსყიდველმა მრავალფუნქციური შენობის ექსპლოატაციაში გაშვებიდან ექვსი თვის ვადაში არანაკლებ ორას ნომრიანი სასტუმრო და სამორინე უნდა გახსნას.

 

შენობის ექსპლოატაციაში შეყვანიდან ექვსი თვის ვადაში კი, საკუთრებაში გადაცემულ მიწის ნაკვეთზე აშენებულ მრავალფუნქციურ შენობაში მყიდველის ან მესამე პირის მიერ, არანაკლებ სამასი მოქალაქის დასაქმება უნდა უზრუნველყოს  სადაც, დასაქმებულთა არანაკლებ  80% საქართველოს მოქალაქე უნდა იყოს .

 

ამ შებობაში სასტუმრო და სამორინე შემსყიდველმა ამოქმედებიდან ათი წლის ვადაში უნდა შეინარჩუნოს, აუციონის პირობის მოთხოვნით დასაქმებულთა რაოდენობის შესანარჩუნება კი ობიექტის ამოქმედებიდან ერთი წლის ვადით ევალება.

 

ხელშეკრულების გაფორმებიდან სამოცი თვის ვადაში, შესაბამის სამსახურებთან შეთანხმებით შემსყიდველმა საკუთრებაში გადაცემული უძრავი ქონების მიმდებარედ  ტერიტორიის კეთილმოწყობისათვის არანაკლებ 1 000 000 (ერთი მილიონი) აშშ. დოლარის ექვივალენტი ლარის ოდენობის ინვესტიცია უნდა განახორციელოს.

 

 ნებართვის ვერ მიღების შემთხვევაში მყიდველი ვალდებულია საინვესტიციო მოცულობა გადაიტანოს ძირითად პროექტში და საინვესციტიო ვალდებულება გაზარდოს 20 000 000 (ოცი მილიონი) აშშ. დოლარის ოდენობით, რის შემდეგაც გათავისუფლდება ზემოაღნიშნული ვალდებულებისგან;

 

 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე