ნეტგაზეთი • RU

მემორანდუმი შავი ზღვის ფლორისა და ფაუნის შემსწავლელ ცენტრსა და მე-5 საჯარო სკოლას შორის

 

შპს „შავი ზღვის ფლორისა და ფაუნის შემსწავლელი სამეცნიერო-კვლევით ცენტრსა“ და მე-5 საჯარო სკოლას შორის საგანმანათლებლო პროგრამების განხორციელებისა და ხელშეწყობის კუთხით მემორანდუმი გაფორმდა.

საგანმანათლებლო პროცესში დაგეგმილი აქტივობები, პრაქტიკული და ანალიტიკური უნარ-ჩვევების ჩამოყალიბებას და თეორიული ცოდნის ამაღლებას ემსახურება. სამეცნიერო ცენტრი უზრუნველყოფს პედაგოგთა და მოსწავლეთა თანამშრომლობას საგანმანათლებლო პროექტების განხორციელებაში.

მემორანდუმი ასევე ითვალისწინებს ერთობლივი სასწავლო სემინარების, კონფერენციებისა და „ვორქშოპების“ ორგანიზებას. სამეცნიერო ცენტრის განცხადებით მემორანდუმი ძალაში 2015 წლის 14 (თოთხმეტი) მაისიდან შევიდა.

მემორანდუმის ფარგლებში დაგეგმილ პირველ პრაქტიკულ აქტივობას სამეცნიერო-კვლევითი ცენტრმა დღეს, 14 მაისს უმასპინძლა. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"