Batumelebi | არჩილ ხაბაძე ავსტრიული კომპანიის წარმომადგენლებს შეხვდა არჩილ ხაბაძე ავსტრიული კომპანიის წარმომადგენლებს შეხვდა – Batumelebi
RU | GE  

არჩილ ხაბაძე ავსტრიული კომპანიის წარმომადგენლებს შეხვდა

 

13 მაისს აჭარის მთავრობის თავმჯდომარე არჩილ ხაბაძე ავსტრიული კომპანია „Denkstatt Group A.G.“- ის წარმომადგენლებს შეხვდა. გაფართოებულ სამთავრობო შეხვედრას აჭარის ფინანსთა და ეკონომიკის მინისტრი დავით ბალაძე, ბათუმის მერი გიორგი ერმაკოვი, აჭარის გარემოს დაცვისა და ბუნებრივი რესურსების სამმართველოს ხელმძღვანელი ვახტანგ წულაძე დაესწრნენ. შეხვედრაზე კომპანიას წარმოადგენდნენ გენერალური დირექტორი ფერდინანდ კოხი და ლეოპოლდ ფრაი, ასევე კონსულტანტი საერთაშორისო ურთიერთობებში – ერეკლე ცინცაძე.  

 

შეხვედრაზე განიხილეს აჭარაში მყარი ნარჩენების მართვასთან დაკავშირებული მიმდინარე პრობლემები და მათი მოგვარების გზები; პროგრამა ECOProfit-ის საპილოტე პროექტის აჭარაში განხორციელების შესაძლებლობები და ალტერნატიული ენერგიის წარმოების სფეროში სამომავლო პერსპექტივები; ასევე საუბარი შეეხო აჭარის რეგიონის გარემოს დაცვითი კონცეფციის შემუშავებას.

„აჭარის მთავრობა აპირებს რეგიონში დანერგოს ინოვაციური გადაწყვეტილებები ნარჩენების მართვის სისტემასთან მიმართებაში, რომელიც საშუალებას მისცემს რეგიონს არსებული ნარჩენებისაგან მიიღოს განახლებადი ენერგია. უნდა შემცირდეს მყარი ნარჩენებისგან ბიომასის გამოყოფა და მოხდეს მისი ენერგიის რესურსად გამოყენება. ასევე, იგეგმება არსებული ნაგავსაყრების გაუქმება და თანამედროვე ახალი ნაგასვაყრის მოწყობა.“ – აღნიშნა ფერდინანდ კოხმა.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"