Batumelebi | სოფელ ზვარეში თემის ადმინისტრაციული შენობა და კულტურის სახლი შენდება სოფელ ზვარეში თემის ადმინისტრაციული შენობა და კულტურის სახლი შენდება – Batumelebi
RU | GE  

სოფელ ზვარეში თემის ადმინისტრაციული შენობა და კულტურის სახლი შენდება

 

150 მაყურებელზე გათვლილი საკონცერტო დარბაზისა და ზვარეს თემის ადმინისტრაციული შენობის მშენებლობა ქედის მუნიციპალიტეტში, ზვარეს თემის ცენტრში გასულ კვირას დაიწყო.

 

სამშენებლო სამუშაოები

სამშენებლო სამუშაოებს აქ ელექტრონულ ტენდერში გამარჯვებული კომპანია „ვიგორა“ აწარმოებს.

წარმოდგენილი პროექტით კულტურის სახლისა და ადმინისტრაციული შენობისთვის ორსართულიანი ნაგებობა მოეწყობა, შენობის პირველ სართულზე საკონცერტო დარბაზი განთავსდება, მეორე სართულზე კი კულტურის სახლისა და ადმინისტრაციული თემის წარმომადგენლებისთვის სამუშაო ოთახები მოეწყობა.

ზვარეს თემის ადმინისტრაციული შენობისა და კულტურის სახლის მშენებლობაზე ელექტრონული ტენდერი ქედის გამგეობამ 96 677 ლარზე გამოაცხადა,  სამუშაოების წარმოებისთვის ხელშეკრულება შპს „ვიგორასთან“ 79 999 ლარზე გაფორმდა.

  

სამშენებლო სამუშაოები

 

 

ნეტგაზეთის მასალების სხვა გამოცემებში გადაბეჭდვის წესი
ეკა ბარამიძე