Batumelebi | მედეა ვასაძე: ვიცოდი, რომ კვორუმი არ იყო, იმიტომ არ მივედი სხდომაზე დასასწრებად მედეა ვასაძე: ვიცოდი, რომ კვორუმი არ იყო, იმიტომ არ მივედი სხდომაზე დასასწრებად – Batumelebi
RU | GE  

მედეა ვასაძე: ვიცოდი, რომ კვორუმი არ იყო, იმიტომ არ მივედი სხდომაზე დასასწრებად

 

მიუხედავად იმისა, რომ უმაღლესი საბჭოს დეპუტატი მედეა ვასაძე უმაღლესი საბჭოს შენობაში იმყოფებოდა, ის დღეს სხდომათა დარბაზში მინისტრის მოსასმენად  არ მივიდა. 


უმაღლესი საბჭოს სხდომა არ შედგა, რადგან რეგისტრაცია მხოლოდ ცხრა დეპუტატმა გაიარა. მედეა ვასაძემ ჟურნალისტებთან საუბრისას განმარტა, რომ მას ბოიკოტი არ გამოუცხადებია დღევანდელი სხდომისთვის: „ვაკონტროლებდი, ვიცოდი, რომ არ იყო კვორუმი, როგორც კი ერთი ადამიანის პრობლემა გახდებოდა, მე ეგრევე შევიდოდი დარბაზში. ვიცი, რომ კვორუმი არ შედგა, ამიტომ ჩემ იქ მისვლას არავითარი მნიშვნელობა არ ჰქონდა, ამიტომაც სამუშაო ოთახში ვიყავი სამუშაო რეჟიმში. ფინანსთა და ეკონომიკის მინისტრის პრეტენზია მე ყველაზე ნაკლებად მაინტერესებს, სხვათა შორის, ამ  მინისტრს ორი წელი და სამი თვეა ველოდი მისი ხასიათის შესაბამისად. როცა კვორუმი იქნება, ის კიდევ ერთხელ ამობრძანდება და მოახსენებს უმაღლეს საბჭოს იმ საკითხზე, რაზეც დღეს უნდა ესაუბრა”. 

 

 

მედეა ვასაძემ განაცხადა, რომ მისთვის უცნობია, თუ რატომ არ  ესწრებოდნენ სხდომას სხვა დეპუტატები: „ვიცი, რომ სულხან ღლონტი თბილისშია, სხვების ამბავი არ ვიცი”.

მედეა ვასაძე
მედეა ვასაძე

ნეტგაზეთის მასალების სხვა გამოცემებში გადაბეჭდვის წესი
ნათია როყვა