„ორი წელზე მეტია აღნიშნულ სამსახურში ვმუშაობ. ცოტა ხნის წინ სატრანსპორტო ინფრასტრუქტურის სამსახურში რეორგანიზაცია მოხდა, რის შედეგადაც 75 საშტატო ერთეულის ნაცვლად შტატები 81-მდე გაიზარდა, თუმცა მხოლოდ ჩემი ანუ დირექტორის მოადგილის შტატი გაუქმდა“- აცხადებს ირაკლი მოდებაძე.
მისი აზრით, სამსახურიდან მისი გათავისუფლების მოტივი პოლიტიკურია, რადგან ის „ნაციონალური მოძრაობის“ მხარდამჭერია და 21 მარტს თბილისში, „ნაციონალური მოძრაობის “მიერ გამართულ აქციაზეც იმყოფებოდა.
„ქალაქის მერი აგრძელებს პოლიტიკური ნიშნით ადამიანების გათავისუფლებას და ვაპირებ, რომ სასამართლოში გავაგრძელო ბრძოლა. გიორგი ერმაკოვმა ის დრო გაიხსენოს, როცა „ნაციონალური მოძრაობის“ მანტია ეცვა. სჯობს მიხედოს ქალაქს და თავი დაანებოს ადამიანების პოლიტიკური ნიშნით დევნას“ – განაცხადა მოდებაძემ.
