ბათუმის საკრებულო ენმ-ის წევრმა, მირდატ ქამადაძემ, ახლახან პოლიცია გამოიძახა. „ნაციონალური მოძრაობის“ წევრებს ბათუმის საკრებულოში თავიანთი ფრაქციის კაბინეტი დაკეტილი დახვდათ. მათი კაბინეტის კარებზე ამ დროისთვის ახალი აბრაა გამოკრული, რომ კაბინეტი ეკუთვნის „ქართული ოცნებას“.
როგორც საკრებულოს ახალმა თავმჯდომარემ, სულიკო თებიძემ განაცხადა, ეს გადაწყვეტილება თავად მიიღო. მან თქვა, რომ „ნაციონალურ მოძრაობას“ აძლევს სხვა კაბინეტს საკრებულოს ადმინისტრაციული შენობის პირველ სართულზე, რომელიც ოთხ ადამიანზეა მორგებული. „ქართულ ოცნებას“ უფრო მეტი დეპუტატი ჰყავს და მათ სჭირდებათ დიდი კაბინეტი.“
„ნაციონალურ მოძრაობაში“ ამბობენ, რომ თავიანთი პირადი ნივთებიც კი ჩაკეტილ კაბინეტშია. მირდატ ქამადაძე, რომელმაც საპატრულო პოლიცია გამოიძახა, აცხადებს, რომ მიღება-ჩაბარებაც კი არ გაუკეთებიათ.
[ენმ] და [ქართული ოცნება] დაკეტილი კაბინეტის კარებთან ერთმანეთს დაუპირისპირდნენ
სამსახურში მისულ მირდატ ქამადაძეს ენმ-ს კაბინეტზე „ქართული ოცნების“ აბრა დახვდა
ბათუმის ახალი საკრებულოს პირველი სხდომა გუშინ, 20 ნოემბერს ჩატარდა.
