ბათუმის მერია, განათლებისა და კულტურის განყოფილების პროგრამის “თავისუფალი ინიციატივის მხარდაჭერის“ ფარგლებში, განათლების, კულტურისა და ხელოვნების განვითარების ხელშემწყობ საუკეთესო ინიციატივებს, ბათუმის ბიუჯეტიდან 10 000 ლარით დააფინანსებს.
კონკურსში მონაწილის შეფასება ხდება შემდეგი კრიტერიუმების მიხედვით და შეფასების საბოლოო შედეგი განისაზღვრება ქულათა დაჯამებით:
პროექტის იდეა – მაქსიმალური შეფასება 10 ქულა;
პროექტის აქტუალურობა – მაქსიმალური შეფასება 10 ქულა;
პროექტის ინოვაციურობა და კრეატიულობა – მაქსიმალური შეფასება 10 ქულა;
პროექტის თანადაფინანსება – მაქსიმალური შეფასება 10 ქულა;
პროექტში საზოგადოების ჩართულობა – მაქსიმალური შეფასება 10 ქულა
მერია ინიციატივებს მიიღებს, როგორც ორგანიზაციებიდან, ისე ფიზიკური პირებიდან.
განაცხადები მიიღება მიმდინარე წლის, ყოველი თვის პირველი სამუშაო დღიდან – თვის ბოლო სამუშაო დღის ჩათვლით 09:00 საათიდან – 18:00 საათამდე, 2015 წლის საკონკურსო ბიუჯეტის ამოწურვამდე.
კონკურსის შესახებ დამატებითი ინფორმაციისთვის გადადით ბმულზე.
