Batumelebi | ბათუმის საჯარო ბიბლიოთეკა წიგნად ფონდს განაახლებს ბათუმის საჯარო ბიბლიოთეკა წიგნად ფონდს განაახლებს – Batumelebi
RU | GE  

ბათუმის საჯარო ბიბლიოთეკა წიგნად ფონდს განაახლებს

 

ბათუმის აკაკი წერეთლის სახელობის საჯარო ბიბლიოთეკა 500-ზე მეტი დასახელების 1301 წიგნს შეისყიდის. მათ შორის 40-მდე აუდიოწიგნს შეზღუდული შესაძლებობების მქონეთათვის.

 

საჯარო ბიბლიოთეკა წიგნებს გამარტივებული ელექტრონული ტენდერით შეიძენს. ბიბლიოთეკის მიერ გამოცხადებულ ტენდერში გამარჯვებული უკვე გამოვლენილია – შპს “ბესტ სელერი – წიგნის სადისტრიბუციო სამსახური”.

წიგნების შესყიდვისთვის ბიბლიოთეკის მიერ დასახელებული იყო 20 ათასი ლარი, “ბესტ სელერი” კი, წიგნებს 18 980 ლარად სთავაზობს ბიბლიოთეკას. ტენდერშიც მხოლოდ ეს ერთი კომპანია მონაწილეობდა.

მოთხოვნილი წიგნების უმეტესობა 2011-2015 წლებში უნდა იყოს გამოცემული. მეორადი წიგნების მიწოდება დაუშვებელია. წიგნების მიწოდება უნდა მოხდეს ხელშეკრულების გაფორმებიდან შვიდ დღეში. ხელშეკრულება კი, დოკუმენტების მიხედვით, 26 მარტს გაფორმდება.

ნეტგაზეთის მასალების სხვა გამოცემებში გადაბეჭდვის წესი
თედო ჯორბენაძე