რომელ სკოლებში შეუძლიათ მშობლებს სასკოლო ფორმების აღება შუახევში, ქედასა და ხულოში

„საგანმანათლებლო რესურსების“ ინფორმაციით, სასკოლო ფორმების აღება პირველკლასელების მშობლებს შუახევში, შეუძლიათ დაბა შუახევის საჯარო სკოლის შენობაში.

ხულოში, სასკოლო ფორმები გაიცემა დაბა ხულოს საჯარო სკოლის შენობიდან.

ქედაშიც, სასკოლო ფორმები დაბა ქედის საჯარო სკოლის შენობიდან იქნება შესაძლებელი.

სასკოლო ფორმების აღება შესაძლებელია დილით, 11:00 საათიდან, 19:00 საათამდე. [15:00 -16:00 საათამდე იქნება შესვენება].

განათლების სამინისტროს ინფორმაციით, ახალი სასწავლო წლიდან დაწყებითი საფეხურის მოსწავლეებისთვის სასკოლო ფორმის ტარება სავალდებულოა.

თუმცა, მათივე ინფორმაციით, პირველ ეტაპზე სკოლის ფორმებს მხოლოდ პირველკლასელები მიიღებენ, დანარჩენები კი ეტაპობრივად.

სასკოლო ფორმა ფასიანია. მისი ღირებულება 95 ლარია. ფორმა მშობელმა უნდა იყიდოს სახელმწიფოსგან, მიუხედავად იმისა, რომ ფორმების შეკერვაზე ბიუჯეტიდან 45 მილიონი ლარი დაიხარჯა.

მშობლების ნაწილი სასკოლო ფორმების შემოღებასაც აპროტესტებს და მის ფასსაც, რადგან მიიჩნევენ, რომ ფორმა უხარისხოა და შეკერილია არა ბამბის ნატურალური ქსოვილისგან, არამედ პოლიესტერისგან, არ არის სასარგებლო ჯანმრთელობისთვის.