საქართველოს ნაკრების თამაშს ევროპის ჩემპიონატზე ხვალ, 26 ივნისს, ბათუმში, ღია სივრცეში დამონტაჟებულ მონიტორთან, სხვებთან ერთად შეგიძლიათ უყუროთ.
ბათუმის მერიის ცნობით, ლედმონიტორები ბათუმის სტადიონთან [„აჭარაბეთ არენა“] და ანბანის კოშკთანაა მოწყობილი.
26 ივნისს, საქართველოს ნაკრები პორტუგალიის ნაკრებთან ითამაშებს. მატჩი 23:00 საათზე დაიწყება.
ბათუმის მერიის ინფორმაციით, ევროპის ჩემპიონატის ყველა სხვა მატჩის ნახვას აქვე შეძლებთ.
ლედმონიტორები და შესაბამისი ინფრასტრუქტურა ჩემპიონატის დასრულებამდე მითითებულ ადგილებში დარჩება.
—
მიუხედავად იმისა, რომ საქართველოს ეროვნული ნაკრები მე-3 ტურის წინ 1 ქულით F ჯგუფის ბოლო ადგილზეა, შემდეგ ეტაპზე გასვლის შანსებს მაინც ინარჩუნებს.
ნახეთ რა სცენარები არსებობს იმისა რომ საქართველო ჯგუფიდან გავიდეს:
საქართველო პორტუგალიას დაუპირისპირდება – ჯგუფური ეტაპის გადამწყვეტი შეხვედრა