ნეტგაზეთი • RU

ჯემალ ინაიშვილს ლიკვიდაციით ემუქრებიან

სახალხო მოძრაობა „ჩვენი აჭარას“ ერთ-ერთ ლიდერი, ფოთის პორტის დირექტორი ჯემალ ინაიშვილი აცხადებს, რომ მას ფიზიკური ლიკვიდაციით ემუქრებიან, რაც მის პოლიტიკურ მოღვაწეობასთან არის დაკავშირებული.

როგორც ოთხშაბათს გამართულ პრესკონფერენციაზე ჯემალ ინაიშვილმა განაცხადა, მისი აქტიურობა „ჩვენი აჭარის“ ეგიდით, რომელიც აჭარის ავტონომიის მეთაურის ასლან აბაშიძის გადადგომას ითხოვს, უკმაყოფილებას იწვევს.

ინაიშვილი აცხადებს, რომ ის არ შეწყვეტს მოქმედებას აჭარაში დემოკრატიის დამყარებამდე.

როგორც პრესკონფერენციაზე „ჩვენი აჭარას“ ერთ-ერთმა ლიდერმა კობა ხაბაზმა განაცხადა, სახალხო მოძრაობა რამდენიმე „ხმაურიანი აქციის“ მოწყობას გეგმავს აბაშიძის რეჟიმისაგან აჭარის გათავისუფლების მოთხოვნით.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.