Batumelebi | მინისტრი ქობულეთის მუნიციპალიტეტში დეფეკატის განაწილების პროცესს დაესწრო მინისტრი ქობულეთის მუნიციპალიტეტში დეფეკატის განაწილების პროცესს დაესწრო – Batumelebi
RU | GE  

მინისტრი ქობულეთის მუნიციპალიტეტში დეფეკატის განაწილების პროცესს დაესწრო

 

აჭარის სოფლის მეურნეობის სამინისტროს პროგრამის “ფერმერული მეურნეობის განვითარების ხელშეწყობის” ფარგლებში ქვეპროგრამის “ფერმერთა ნაკვეთებზე ნიადაგის ნაყოფიერების დონის ამაღლების მიზნით ქიმიური მელიორაციის (დეფეკატის) გამოყენება’’ დაიწყო.

 

ქვეპროგრამის ფარგლებში გათვალისწინებულია 8000 ტონა დეფეკატის შესყიდვა. რომელიც თანადაფინანსების პრინციპით (40% ფერმერი, 60% სახელმწიფო) ხელვაჩაურის, ქობულეთის და ქედის მუნიციპალიტეტის ასევე ქალაქ ბათუმს შემოერთებული ტერიტორიაზე მცხოვრებ ფერმერებს მიეწოდება. აღნიშნული სასუქი დაფასოებული იქნება 50 კგ ტომრებში, 1 ტონა დეფეკატის ღირებულება 79 ლარია. თანაგადახდის პრინციპით ფერმერის გადასახდელი თანხა იქნება 31.60 ლარი.

 


დღეს, ქობულეთის მუნიციპალიტეტის სოფელ მუხაისტატეს ფერმერებზე დეფეკატის განაწილების პროცესს აჭარის სოფლის მეურენობის მინისტრი ზაურ ფუტკარაძე დაესწო. “დეფეკატის შეტანა ძალიან მაღალ ეფექტს იძლევა ყველა კულტურის ქვეშ, ციტრუსოვნებში, ბოსტნეულში, ხეხილოვნებში და სხვა ერთწლიან და მრავლწლიან კულტურებში, რაც გამოიხატება მოსვალიანობის, როგორც რაოდენობრივი ასევე ხარისხობრივი მაჩვენებლის ზრდაში. ერთ ჰა-ზე საჭიროა 10 ტონა დეფეკატი, რომლის შეტანის შემდეგ 10-12 წლის განმავლობაში ნიადაგი დაცულია მომატებული მჟავიანობისაგან’’ განაცხადა მინისტრმა.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"