ოკუპირებულ ბერდიანსკიში მცხოვრებ, 1952 წელს დაბადებულ პენსიონერ ქალს, რუსეთმა „ღალატში“ დასდო ბრალი და 14 წლით პატიმრობა მიუსაჯეს კოლონიაში. ამის შესახებ „მედიაზონა“ წერს.
74 წლის უკრაინელი ქალისთვის 14 წლით დაპატიმრების გადაწყვეტილება გამოიტანა ზაპოროჟიეს რეგიონულმა სასამართლომ. ეს უწყება რუსეთის ხელისუფლების მიერ არის შექმნილი.
გამოძიების თანახმად, 2024 წელს ქალმა უკრაინის არმიას 1 500 გრივნა გადაურიცხა, რითაც რუსეთის უსაფრთხოებას ზიანი მიაყენა.
უსაფრთხოების სამსახურის თანამშრომლების განცხადებით, ეგერთ წოდებული სპეციალური სამხედრო ოპერაციის დაწყების შემდეგ, „ქალი რუსეთის სახელმწიფო ხელისუფლების წარმომადგენლების მიმართ მუდმივად ნეგატიურ დამოკიდებულებას ავლენდა“.
ეს არ არის პირველი შემთხვევა, როცა რუსეთის ხელისუფლება ოკუპირებულ ტერიტორიაზე მცხოვრებ უკრაინელ მოხუცებს ასამართლებს ღალატის მუხლით. ყველა შემთხვევაში ისინი თავიანთ პენსიას ურიცხავდნენ უკრაინის არმიას.
___
11 წელი მიუსაჯეს 68 წლის უკრაინელ ქალს, რომელიც რუსულ პენსიას უკრაინის არმიას ურიცხავდა
