ავტოავარია მოხდა ქედის მუნიციპალიტეტში, დღეს, 21 აგვისტოს.
სავალი გზიდან მსუბუქი ავტომანქანა გადავარდა, რის შედეგადაც ერთი კაცი დაიღუპა.
„ბათუმელების“ ინფორმაციით, სამი დაშავებული კლინიკაში გადაიყვანეს.
შს სამინისტროს ცნობით, მომხდარზე გამოძიება სისხლის სამართლის კოდექსის ს 276-ე მუხლის შესაბამისად დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას.
