ბათუმში, ლიანდაგზე გადასასვლელები უსაფრთხოების წესების დაცვის გარეშეა.
ამის გამო, ხშირია ტრაგიკული შემთხვევები.
მაგალითად, 2025 წლის 8 აპრილს, ბარცხანაში, რკინიგზაზე გადასვლის დროს 13 წლის მოზარდს დაეჯახა მატარებელი. მოზარდი დაიღუპა.
ამ ტრაგედიიდან თითქმის ერთი თვეა გასული. მოსახლეობამ არაერთი საპროტესტო აქცია გამართა და მოითხოვა ლიანდაგზე უსაფრთხოების დაცვა. მათ წერილობით მიმართეს ბათუმის მერიასაც“, თუმცა ამ დრომდე, როგორც მერია, ასევე „საქართველოს რკინიგზა“ პასუხს არ სცემს არც მოქალაქეებს და არც მედიას, არის თუ არა დაგეგმილი უახლოეს მომავალში მაინც, უსაფრთხოების ნორმების შემოღება ლიანდაგზე, სადაც ყოველდღიურად ასობით ადამიანი, მათ შორის ბავშვები გადაადგილდებიან.
ქვეითების გადასასვლელი ლიანდაგზე, ბენზეში [ბათუმი, თამარის დასახლება].
ფოტო: ლელა დუმბაძე/ბათუმელები
ბენზეში, ლიანდაგის ირგვლივ საცხოვებელი კორპუსები, სკოლა და საბავშვო მოედნებია. ლიანდაგზე გადასასვლელები კი უსაფრთხოების ნიშნულების გარეშეა.
ლიანდაგზე გადასასვლელი ბენზეში.
„უსაფრთხოება რა თქმა უნდა საჭიროა. უნდა იყოს რაღაც ნიშნულები. მინიშნება უნდა გააკეთონ, გადასასვლელები უნდა იყოს, ამას თვითონ უნდა მიხვდნენ. ადრე არ გვქონდა შიში, მაგრამ ბარცხანაში რომ ბავშვი დაიღუპა, ამის მერე გაგვიჩნდა შიში“ – ამბობს „ბათუმელებთან“ ერთ-ერთი მოქალაქე.
ისევე როგორც ბარცხანაში, ბენზეში და ასევე ქალაქის სხვადასხვა მონაკვეთებზე, სადაც მატარებლის ლიანდაგი დასახლებულ უბნებში გადის, მსგავსი ვითარებაა.
ბენზე-ლიანდაგზე გადასასვლელი.
ბენზეში ლიანდაგზე არ არის უსაფრთხო გადასასვლელები.
ვიდეო:
