ბათუმში ბოლო დღეებში მოსული ნალექის მიუხედავად, ჰაერი მტვრის ნაწილაკებითაა დაბინძურებული.
ატმოსფერული ჰაერის ხარისხის პორტალის მიხედვით, ბათუმში, 3 მარტის დღის 2 საათის მონაცემებით, ჰაერში მყარი ნაწილაკების [PM2.5] შემცველობის მაჩვენებელი ცუდია.
აღნიშნული ნაწილაკები დასაშვებ ნორმაზე მეტი რომ არის, ამას აჩვენებს გარემოს ეროვნული სააგენტოს ატმოსფერული ჰაერის ხარისხის უწყვეტი მონიტორინგის ავტომატური სადგურები, რომლებიც ბათუმში ორ ადგილზეა განთავსებული [რესპუბლიკურ საავადმყოფოსთან და ცენტრალურ პარკში]:
წყარო: ატმოსფერული ჰაერის ხარისხის პორტალი
წყარო: ატმოსფერული ჰაერის ხარისხის პორტალი
გარემოს ეროვნული სააგენტო იანვრის თვეში ატმოსფერულ ჰაერში მყარი ნაწილაკების [PM10, PM2.5] შემცველობის მატებას საქართველოს ტერიტორიაზე „ძირითადად ტრანსსასაზღვრო დაბინძურებას“ უკავშირებდა, რაც სააგენტოს ინფორმაციით „სამხრეთ და სამხრეთ-აღმოსავლეთიდან უდაბნოს მტვრის მასების გავრცელებით იყო განპირობებული.“
ამჯერად დაბინძურების წყარო სააგენტოს მითითებული არ აქვს.
სააგენტოს მიერ ატმოსფერული ჰაერის ხარისხის პორტალზე მოცემულია ასევე ჯანდაცვითი რეკომენდაციებიც.
ამ თემაზე ვრცლად იხილეთ ბმულზე:
