ხელვაჩაურის მერიის მუნიციპალური ინსპექციის, ინფრასტრუქტურისა და კეთილმოწყობის სამმართველომ სოფელ სარფში „სავიზიტო ბარათი [საქანელა] კონსტრუქციის მოწყობაზე“ ტენდერი გამოაცხადა.
სატენდერო თანხა 97 ათას 794 ლარია.
რენდერი პროექტიდან
საქანელა პროექტის მიხედვით, სარფში, მთაზე, ანდრია პირველწოდებულის ქანდაკებასთან მდებარე ჩანჩქერის ზემოთ მოეწყობა.
კონსტრუქციის მოწყობა სოფლის გზის მიმდებარედაა დაგეგმილი.
პროექტის მიხედვით, ეს იქნება ადგილი – გადასახედით ზღვაზე, სადაც საქანელას გარდა პროექტით დაგეგმილია სკამების, განათების, სასმელი წყლის შადრევნისა და სხვა ინფრასტრუქტურის მოწყობა.
რენდერი პროექტიდან
ტენდერში წინადადებების მიღება 2024 წლის 19 ივნისს დაიწყება და 24 ივნისს დასრულდება.
საქანელა ტენდერში გამარჯვებულმა ხელშეკრულების დადებიდან 60 დღეში უნდა მოაწყოს.
