შინაგან საქმეთა სამინისტროს მომსახურების სააგენტოს ცნობით, რომ 17 მაისი სააგენტოს ყველა სტრუქტურული ერთეულისთვის გამოცხადებულია უქმე დღედ.
სააგენტოს ცნობით:
ის პირები, რომლებსაც 17 მაისს უწევდათ ცნობის მიღება, დამზადებულ დოკუმენტს მიიღებენ 18 მაისს;
პირები, რომლებსაც პრაქტიკული გამოცდის პირველ ეტაპზე (მოედანი) გასვლა უწევდათ 17 მაისს, გამოცდით ისარგებლებენ 18 მაისს;
იმ პირებს, რომლებსაც თეორიული და პრაქტიკული გამოცდის მეორე ეტაპზე 17 მაისს აქვთ ჯავშანი, გამოცდაზე გასვლის კონკრეტული თარიღისა და დროის შესახებ დეტალური ინფორმაცია დღის განმავლობაში ეცნობებათ;
იმ პირებს, რომლებსაც შენახული აქვთ უფასო ან ფასიანი სანომრე ნიშნები და შენახვის ბოლო დღე უწევთ 17 მაისს, გამოცხადების ბოლო ვადად განესაზღვრათ 20 მაისი;
ხოლო იმ პირებს, რომლებსაც სატრანსპორტო საშუალებების განბაჟების ბოლო დღე უწევთ 17 მაისს, საჯარიმო სანქციები არ დაეკისრებათ და განბაჟების ბოლო ვადად განესაზღვრათ 20 მაისი.
დღეს, 16 მაისს, პრემიერ-მინისტრმა ირაკლი კობახიძემ 17 მაისი დასვენების დღედ გამოაცხადა.
__________________________
ფოტოზე: მომსახურების სააგენტო ბათუმში. ფოტო: „ბათუმელები“/მანანა ქველიაშვილი
