საქართველოში 2023 წლის პირველ ცხრა თვეში ყველაზე მეტი TOYOTA-ს მარკის ავტომობილები დაარეგისტრირეს. ამავე პერიოდში დარეგისტრირებული ავტომობილების ტოპ ხუთეული კი ასეთია:
- TOYOTA – 18 262 ცალი
- FORD – 12 084
- MERCEDES-BENZ – 11 487
- BMW – 6 263
- VOLKSWAGEN – 6 014 ცალი
პირველადი რეგისტრაციის მონაცემები საქსტატს აქვს გამოქვეყნებული. ამ მონაცემების მიხედვით, საქართველოში 2023 წლის პირველ 9 თვეში რეგისტრირებული ავტომობილების უმეტესობის ფერი არის რუხი/ნაცრისფერი [32 705 ავტომობილი], შემდეგ მოდის თეთრი [27 839], შავი [24 242] ლურჯი [11 292] და წითელი [6 603 ავტომობილი].
რაც შეეხება ტოპ ხუთეულს მოდელის მიხედვით, ასეთია:
TOYOTA CAMRY – 2 699 ცალი
TOYOTA PRIUS – 2 528
FORD TRANSIT – 2 379
VOLKSWAGEN JETTA – 2 348
HYUNDAI ELANTRA – 1 846 ცალი
ამასთან, საწვავის ტიპის მიხედვით, გასული წლის პირველ ცხრა თვეში რეგისტრირებული ავტომობილების ნახევარზე მეტი – 56,9% არის ბენზინზე, 23,4% – დიზელზე, 16,6% არის ჰიბრიდი, 1,8% – ბენზინსა და აირზე, 1,1% – ელექტრო, 0,1% – აირზე.
საქსტატის მონაცემებით, მთლიანობაში რეგისტრირებული ავტომობილებიდან საქართველოში ლიდერობს MERCEDES-BENZ – 207 536 ავტომობილი, შემდეგ მოდის TOYOTA – 172 741 ავტომობილი და FORD – 155 337 ავტომობილი.
ფერების მიხედვით კი, მთლიანად რეგისტრირებული ავტომობილების უმეტესობა არის რუხი/ნაცრისფერი [438 790 ავტომობილი], თეთრი [366 063 ავტომობილი] და შავი [228 876 ავტომობილი]
„ეს ის ავტომობილებია, რომლებიც თავის დროზე დაარეგისტრირეს და შსს-ს ბაზაში დღემდე აქვს აქტიურის სტატუსი“, – გვითხრეს საქსტატში.
