უკრაინის შეიარაღებული ძალების გენერალური შტაბის 12 ოქტომბრის ცნობების თანახმად, ბახმუტის მიმართულებით უკრაინელმა დამცველებმა მოიგერიეს რუსების თავდასხმები დონეცკის ოლქის სოფელ ანდრეევკასთან.
გენშტაბის ცნობით, უკრაინის თავდაცვის ძალები აგრძელებენ შეტევას ბახმუტის სამხრეთით და ჰქონდათ წარმატება კლეშჩეევკას აღმოსავლეთით და ანდრეევკას აღმოსავლეთით.
ამავე დროს, ლიმანის მიმართულებით უკრაინელები ცდილობენ შეაკავონ რუსეთის შეტევა მაკეევკას რაიონში. „აქ უკრაინელმა დამცველებმა მოიგერიეს მტრის 15-ზე მეტი შეტევა“ – წერს გენშტაბი.
ასევე, 12 ოქტომბრის ღამეს რუსეთმა მორიგი საავიაციო დარტყმა განახორციელა უკრაინის მასშტაბით „შაჰედებით“.
გენშტაბის ცნობით გასულ 24 საათში უკრაინაში 95 შეტაკება მოხდა.
