ცენტრალური საბერძნეთის ნაწილი მეორედ დაიტბორა უკანასკნელ ერთ თვეში. ამჯერად თესალიის რეგიონს ქარიშხალი „ელიასი“ დაატყდა თავს, კოკისპირული წვიმით.
ყველაზე მეტად დაზარალდა ქალაქი ვოლოსი თესალიაში და ჩრდილოეთ ევია.
ბერძნული მედიის ცნობით, ქარიშხალმა დატბორა გზები, სარდაფები, სახლები და მაღაზიები.
ქარიშხალ „ელიასს“ წინ უსწრებდა ქარიშხალი „დენიელი“, რომელმაც თესალიაში, ქვეყნის ერთ-ერთი მთავარ სასოფლო-სამეურნეო რეგიონში, დატბორა ხეხილის ბაღები, ყანები, დაიხოცა 200 000-ზე მეტი ცხოველი და ფრინველი. ქარიშხლის შედეგად 16 ადამიანი დაიღუპა.
მედიის ცნობით, ქარიშხლებისგან მიყენებული ზიანის მოკლევადიანი შედეგები საბერძნეთის ეკონომიკას, შესაძლოა, 5 მილიარდამდე ევრო დაუჯდეს.
__________
ფოტო: EPA-EFE/ACHILEAS CHIRAS
