საგადასახადო მომსახურების გაუმჯობესების მიზნით საქართველოს ფინანსთა მინისტრმა ნოდარ ხადურმა, შემოსავლების სამსახურის წარმომადგენლებთან ერთად, ქედის მუნიციპალიტეტში მოსახლეობას ის ორი ავტმობილი წარუდგინა, რომელიც დღეიდან მოქალაქეებს ადგილზე საგადასახადო მომსახურებას გაუწევს.
ნოდარ ხადურის თქმით, მოძრავი ორი სერვისცენტრიდან ერთი აღმოსავლეთში, მეორე დასავლეთ საქართველოში წინასწარ განსაზღრული გრაფიკით იმუშავებს.
ნოდარ ხადური სალაძეების ოჯახში
„ჩვენ ის შესაძლებლობა არ აგვაქვს, რომ ყველა მუნიციპალურ ცენტრში სტაციონალური სერვისცენტრი გვქონდეს, ამიტომ ისეთი მოძრავი სერვსცენტრი გავაკეთეთ, რომელიც წინასწარ განსაზღვრული გრაფიკით ერთი აღმოსავლეთ საქართველოში იმუშავებს, მეორე დასავლეთში და მოქალაქეებს შესაძლებლობა ექნებათ საცოვრებელ სახლთან ახლოს მიიღონ ყველა ის მომსახრება, რასაც შემოსავლების სამსახური სთავაზობს. ვფიქრობთ, ამით კიდევ უფრო გამარტივდება ურთიერთობა სახელმწიფო ბიუჯეტთან, შემოსავლების მობილიზების თვალსაზრისით“ – ამბობს მინისტრი.
სალაძეების საკარმიდამო
დღესვე ფინანსთა მინისტრმა სოფელ კოლოტაურში გასულ წელს სტიქიის შედეგად დაზარალებული სალაძეების ის ექვსსულიანი ოჯახი მოინახულა, რომელსაც საცხოვრებელი სახლი 2015 წლის ნოემბრის თვეში სტიქიამ დაუნგრია.
სახლის ასაშენებლად სახელმწიფომ სალაძეებს 18 000 ლარი ჩაურიცხა.
მოძრავი სერვისცენტრი ქედაში / ფოტო: ეკა ბარამიძე
