თურქეთის პრეზიდენტის, რეჯეფ თაიფ ერდოღანის თქმით, 6 თებერვალს თურქეთში მომხდარი დამანგრეველი მიწისძვრების შემდეგ მაშველებმა ნანგრევებიდან 114 834 ადამიანის გამოყვანა და გადარჩენა შეძლეს.
ამის შესახებ ერდოღანმა დღეს, 20 თებერვალს, ჰატაის პროვინციაში გამართულ ბრიფინგზე განაცხადა.
თურქეთის სამხრეთში მიწისძვრების შედეგად 118 ათასი საცხოვრებელი კორპუსი განადგურდა ან სერიოზულად დაზიანდა და დანგრევას ექვემდებარება.
თურქეთის პრეზიდენტის თქმით, მიწისძვრის ზონაში სულ 1 მილიონ 684 ათასი მოქალაქე დაკმაყოფილდა თავშესაფრით.
ერდოღანის თქმით, პირველ ეტაპზე, დაზარალებულ პროვინციებში ექსპლუატაციაში 100 000 საკონტეინერო სახლი შევა, აქედან 65 000 მონტაჟის ეტაპზეა. საჭიროების შემთხვევაში, ეს რიცხვი შეიძლება გაიზარდოს 200 ათასამდე.
დღეს ერდოღანმა თქმა, რომ მიწისძვრით დაზარალებულები 1 წლის განმავლობაში ახალ სახლებში გადავლენ.
თურქეთში 6 თებერვალს მომხდარი ორი მიწისძვრის შედეგად დაღუპულთა რაოდენობამ 41 ათასს გადააჭარბა.
_________________
მიწისძვრა თურქეთში. ფოტო: EPA-EFE/SEDAT SUNA
