უკრაინამ, მოკავშირეებთან ერთად, უკრაინის საჰაერო ფარის შესახებ ერთობლივი დეკლარაციის შემუშავება დაიწყო. ამის შესახებ „უკრაინსკაია პრავდა“ წერს უკრაინის პრეზიდენტის აპარატის უფროსის, ანდრეი ერმაკის განცხადებაზე დაყრდნობით.
„რადგან რუსეთის დარტყმები უკრაინის ქალაქებსა და კრიტიკულ ინფრასტრუქტურაზე აშკარად გაგრძელდება, უკრაინას სასწრაფოდ სჭირდება ეფექტური სარაკეტო თავდაცვა. ძალიან სწრაფად, ზამთრის დაწყებამდე.
…ამიტომ, უკრაინამ, თავის უახლოეს მოკავშირეებთან ერთად, დაიწყო ერთობლივი დეკლარაციის შემუშავება უკრაინის საჰაერო ფარის შესახებ.
ჩვენ გვინდა ავაშენოთ ინტეგრირებული მრავალდონიანი საჰაერო და სარაკეტო თავდაცვის სისტემა უკრაინისთვის და ეს იქნება წვლილი მთელი ევროპის კონტინენტის საერთო საავიაციო უსაფრთხოებაში“ – განაცხადა ერმაკმა Halifax International Security Forum-ზე.
________________
ფოტოზე: ნორვეგიული საზენიტო სისტემა „ნასამსი“
