უკრაინის მაღალი თანამდებობის პირი, დავით არახამია, აშშ-ში იმყოფება. სწორედ ამ ვიზიტის ფარგლებში არახამიამ ისაუბრა რუსეთ-უკრაინის ომის უახლეს პერსპექტივაზე. „ამერიკის ხმასთან“ მან განაცხადა, რა შემთხვევაში შეიძლება დასრულდეს ომი დიპლომატიური და პოლიტიკური გზით.
რუსეთის ფედერაციის პოზიცია აგვისტოსთვის შეიცვლება, უკრაინას კი მტკიცედ აქვს გადაწყვეტილი, ისაუბროს „ძალის პოზიციიდან“, სწორედ აგვისტოში შეიძლება ველოდოთ კონტრშეტევას, განაცხადა რუსეთთან მოლაპარაკების ჯგუფის უკრაინის დელეგაციის ხელმძღვანელმა დეპუტატნა დავით არახამიამ.
„მინიმალური სიცოცხლისუნარიანი შეთანხმება – თუ ჩვენ მათ გავიყვანთ ან თავად რუსული ჯარი დაუბრუნდება იმ პოზიციებს, სადაც იყო 24 თებერვლამდე. ჩვენ არასოდეს დავუშვებთ ტერიტორიის დაკარგვას, ეს იურიდიულად შეუძლებელია, მაგრამ ჩვენ შეგვიძლია განვიხილოთ ისეთი პოლიტიკური შეთანხმება, როგორიც შევთავაზეთ სტამბოლში განსახილველად“, – განაცხადა არახამიამ „ამერიკის ხმასთან“.
„ამგვარად, ჩვენ არ დავაყენებდით, მაგალითად, ყირიმის საკითხს, რამდენიმე წლის განმავლობაში. ამრიგად, შეთანხმება იქნებოდა მიღწეული არა სამხედრო, არამედ დიპლომატიური და პოლიტიკური გზით. და ეს იქნებოდა კომპრომისი“, – თქვა მან.
