ბათუმის მერიის ცნობით, ბათუმში, ფარნავაზ მეფის ქუჩის სარეაბილიტაციო სამუშაოებთან დაკავშირებით დროებით იცვლება ამ ქუჩით მოძრავი სამარშრუტო მიკროავტობუსების მარშრუტები.
დაგეგმილი სარეაბილიტაციო სამუშაოების გამო ქუჩაზე იზღუდება მსუბუქი ავტომანქანების და სხვა სატრანსპორტო საშუალებების გადაადგილება.
სამარშრუტო მიკროავტობუსები: N24, N29, N31, N34, N36 და N40 იმოძრავებენ გორგასლის ქუჩით, ხოლო გორგასლის ქუჩაზე მოძრავი მიკროავტობუსები: N20, N21, N25, N27, N39, N42, N49 და N56 – პუშკინის ქუჩით.
მერიის ცნობით, ფარნავაზ მეფის ქუჩის სარეაბილიტაციო სამუშაოები წლის ბოლომდე გაგრძელდება და ქუჩის მონაკვეთები ეტაპობრივად გადაიკეტება.
„ბათუმის მერია ბოდიშს უხდის მოსახლეობას სარეაბილიტაციო სამუშაოებით გამოწვეული დისკომფორტის გამო,“ – აღნიშნულია განცხადებაში.
