შაბათს, 9 ოქტომბერს, 20 საათზე, ბათუმში, „ფიფას“ 2022 წლის მსოფლიო ჩემპიონატის საკვალიფიკაციო ეტაპის მეექვსე ტურის მატჩზე საქართველოსა და საბერძნეთის გუნდები შეხვდებიან ერთმანეთს.
მატჩამდე ორი დღით ადრე ყველა ბილეთი გაყიდულია.
tkt.ge-ს ცნობით, ბილეთის ფასი 5, 15 და 25 ლარი იყო.
საქართველო-საბერძნეთის საფეხბურთო მატჩს სტადიონზე დასაშვები მაყურებლის მხოლოდ 33% დაესწრება.
მატჩზე დასწრება შეუძლიათ მხოლოდ იმ გულშემატკივრებს, რომლებიც ბილეთთან და პირადობის მოწმობასთან ერთად შესასვლელში წარადგენენ ვაქცინაციის დამადასტურებელ დოკუმენტს ან 72-საათიანი PCR ტესტის უარყოფით პასუხს, ან 24-საათიანი ანტიგენ ტესტის უარყოფით პასუხს, ან ბოლო 6 თვის განმავლობაში კოვიდის გადატანის დამადასტურებელ ცნობას.
სტადიონის კარი მატჩის დაწყებამდე 3 საათით ადრე გაიღება.
სტადიონის ტერიტორიაზე სავალდებულოა პირბადის ტარება.
________________
ფოტო „ბათუმელების“ არქივიდან
